സംസ്കൃതം പഠിക്കാന്‍ ഇനി സംസ്ഥാന സര്‍ക്കാരിന്‍റെ മധുവാണി.
കേരളത്തിലെ പൊതുവിദ്യാഭ്യാസരംഗം പൂര്‍ണമായി ഹൈടെക്കായ സാഹചര്യത്തില്‍ സംസ്‌കൃതപഠനത്തിന് കൂടുതല്‍ മികവ് കൈവരിക്കുക എന്ന ലക്ഷ്യത്തോടെ എസ്.സി.ഇ.ആര്‍.ടി സി.ഡിറ്റിന്റെ സാങ്കേതിക സഹായത്തോടെ വികസിപ്പിച്ച ഇന്ററാക്ടീവ് ഡി.വി.ഡിയാണ് ‘മധുവാണി.’
പ്രൈമറിതലം മുതല്‍ സംസ്കൃതം പഠിക്കുന്ന വിദ്യാര്‍ഥികള്‍ക്കും സംസ്കൃതം പഠിക്കാനാഗ്രഹിക്കുന്ന മറ്റുള്ളവര്‍ക്കും ഉപകാരപ്രദമാണ് ഇത്. സംസ്‌കൃതപഠനം സരളവും സരസവുമാക്കുക എന്നതാണ് ഇതിന്റെ ഉദ്ദേശ്യം. അക്ഷരമാല മുതല്‍ വിഭക്തികള്‍ വരെയുള്ള സംസ്‌കൃതത്തിന്റെ ബാലപാഠങ്ങള്‍ അനിമേഷന്റെ സഹായത്തോടെ ഇന്ററാക്ടീവ് രീതിയില്‍ പഠിക്കുന്നതിനു ഉപകരിക്കുന്നതാണിത്.
സംസ്ഥാനത്തെ സംസ്കൃതം പഠിപ്പിക്കുന്ന പൊതുവിദ്യാലയങ്ങളില്‍ ഡി.വി.ഡിയും കൈപ്പുസ്തകങ്ങളും സര്‍ക്കാര്‍ എത്തിക്കും. അതിനുപുറമെ ആവശ്യക്കാര്‍ക്ക് www.scert.kerala.gov.in ല്‍ നിന്ന് ഡൗണ‍് ലോഡ് ചെയ്യാം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ