വനഗവേഷണ സ്ഥാപനത്തിൽ രണ്ട് സ്റ്റെനോഗ്രാഫറുടെ ഒഴിവുകള്‍
കേരള വനഗവേഷണ സ്ഥാപനത്തിൽ 89 ദിവസത്തേക്ക് ദിവസവേതനാടിസ്ഥാനത്തിൽ രണ്ട് സ്റ്റെനോഗ്രാഫറുടെ ഒഴിവിലേക്ക് ഒക്ടോബർ 14ന് രാവിലെ 10ന് വനഗവേഷണ സ്ഥാപനത്തിന്റെ തൃശ്ശൂർ പീച്ചിയിലുള്ള ഓഫീസിൽ വാക്-ഇൻ-ഇന്റർവ്യൂ നടത്തും. വിശദവിവരങ്ങൾക്ക് കേരള വനഗവേഷണ സ്ഥാപനത്തിന്റെ വെബ്‌സൈറ്റ് (www.kfri.res.in) സന്ദർശിക്കക.
ജില്ലാ എക്‌സിക്യൂട്ടീവ് ഓഫീസറുടെ തസ്തികയിലേക്ക് അപേക്ഷ ക്ഷണിച്ചു.
കേരള കർഷക തൊഴിലാളി ക്ഷേമനിധി ബോർഡിന്റെ കൊല്ലം, പത്തനംതിട്ട ഓഫീസുകളിൽ ജില്ലാ എക്‌സിക്യൂട്ടീവ് ഓഫീസറുടെ തസ്തികയിലേക്ക് ഡെപ്യൂട്ടേഷൻ വ്യവസ്ഥയിൽ അപേക്ഷ ക്ഷണിച്ചു. സർക്കാർ, അർധസർക്കാർ സ്ഥാപനങ്ങളിൽ ജോലി ചെയ്യുന്ന 36,600 – 79,200 ശമ്പളസ്‌കെയിലുള്ള ജീവനക്കാർക്ക് അപേക്ഷിക്കാം.
സൂപ്പർവൈസറി തസ്തികയിൽ ജോലിചെയ്യുന്ന ജീവനക്കാരുടെ അപേക്ഷകളും ശമ്പള സ്‌കെയിൽ കുറവാണെങ്കിലും പരിഗണിക്കും. ചട്ടപ്രകാരമുള്ള അപേക്ഷകൾ ചീഫ് എക്‌സിക്യൂട്ടീവ്, കേരള കർഷക തൊഴിലാളി ക്ഷേമനിധി ബോർഡ്, എസ്.എൻ പാർക്ക്, പൂത്തോൾ പി.ഒ, പിൻ – 680004 എന്ന വിലാസത്തിൽ ഒക്ടോബർ 19 നകം ലഭിക്കണം. ഫോൺ: 0487-2386871.
അർധസർക്കാർ സ്ഥാപനത്തിൽ ഡെപ്യൂട്ടി മാനേജർ (പ്രോജക്ട്‌സ്), അസി. മാനേജർ ഒഴിവുകള്‍
സംസ്ഥാനത്തെ ഒരു അർധസർക്കാർ സ്ഥാപനത്തിൽ ഡെപ്യൂട്ടി മാനേജർ (പ്രോജക്ട്‌സ്), അസി. മാനേജർ (പി ആൻഡ് എ) എന്നീ തസ്തികകളിൽ ഓരോ സ്ഥിരം ഒഴിവുണ്ട്.
പ്രായപരിധി: 2019 ജനുവരി ഒന്നിന് 41 വയസ്സ് കവിയാൻ പാടില്ല (നിയമാനുസൃത വയസ്സിളവ് ബാധകം). ശമ്പളം: 20,040-38,840 (ഡെപ്യൂട്ടി മാനേജർ), 20,740-36,140 (അസി: മാനേജർ).
ഡെപ്യൂട്ടി മാനേജരുടെ യോഗ്യത: മെക്കാനിക്കൽ/ ഇലക്ട്രിക്കൽ എൻജിനീയറിംഗിലുള്ള ബിരുദം, എം.ബി.എ യോഗ്യത അഭികാമ്യം, എതെങ്കിലും അംഗീകൃത ഫാർമസ്യൂട്ടിക്കൽ കമ്പനിയിൽ മാനേജർ തസ്തികയിൽ അഞ്ചു വർഷത്തിൽ കുറയാത്ത പ്രവൃത്തി പരിചയം.
അസി. മാനേജരുടെ യോഗ്യത: ഹ്യൂമൺ റിസോഴ്‌സസിലുള്ള എം.ബി.എ, ലേബർ ലോ ഇലക്ടീവ് വിഷയമായുള്ള എൽ.എൽ.ബി, ഏതെങ്കിലും അംഗികൃത സ്ഥാപനത്തിൽ നിന്ന് പേഴ്‌സണൽ മാനേജർ തസ്തികയിൽ അഞ്ചു വർഷത്തിൽ കുറയാത്ത പ്രവൃത്തി പരിചയം.
നിശ്ചിതയോഗ്യതയും പ്രവൃത്തി പരിചയവുമുള്ള ഉദ്യോഗാർഥികൾ എല്ലാ അസ്സൽ സർട്ടിഫിക്കറ്റുകളുമായി ഒക്ടോബർ ഒമ്പതിന് മുമ്പ് തൊട്ടടുത്തുള്ള പ്രൊഫഷണൽ & എക്‌സിക്യൂട്ടീവ് എംപ്ലോയ്‌മെന്റ് എക്‌സ്‌ചേഞ്ചിൽ നേരിട്ട് ഹാജരായി പേര് രജിസ്റ്റർ ചെയ്യണം.
നഴ്സുമാര്‍ക്ക് യുഎഇയിലേക്ക് നോര്‍ക്ക വഴി അവസരം
യു.എ.ഇയിലെ പ്രശസ്തമായ ആശുപത്രിയിലേയ്ക്ക് നഴ്സുമാർക്ക് നോർക്ക റൂട്ട്സ് മുഖേന തൊഴിലവസരം. ബി എസ് സി നഴ്സിംഗ് ബിരുദവും പോസ്റ്റ് നേറ്റൽ വാർഡ് ആൻഡ് നഴ്സറി എന്ന വിഭാഗത്തിൽ മൂന്ന് വർഷത്തിനു മുകളിൽ പ്രവൃത്തിപരിചയവും 40 വയസ്സിൽ താഴെ പ്രായവുമുള്ള വനിത നഴ്സുമാർക്കാണ് തൊഴിലവസരം.
ശമ്പളം 4500 ദിർഹം (ഏകദേശം 86,000 രൂപ). അപേക്ഷ സമർപ്പിക്കേണ്ട അവസാന തീയതി ഒക്ടോബർ 10. കൂടുതൽ വിവരങ്ങൾ www.norkaroots.org ലും ടോൾ ഫ്രീ നമ്പറായ 18004253939 (ഇന്ത്യയിൽ നിന്നും) 00918802012345 (വിദേശത്തു നിന്നും) (മിസ്ഡ് കോൾ സേവനം) ലും ലഭിക്കും.
മാലിയില്‍ നഴ്സുമാര്‍ക്ക് തൊഴിലവസരം
മാലിയിൽ ആരോഗ്യമന്ത്രാലയത്തിൽ നേഴ്‌സുമാരുടെ ഒഴിവുകളിൽ ഒഡെപെക് മുഖേന നിയമനം നടത്തുന്നു. നേഴ്‌സ് സ്‌പെഷ്യലിസ്റ്റ് – ഡയാലിസിസ്, മിഡ്‌വൈഫ്, ആക്‌സിഡന്റ് & ട്രോമ, ഐ.സി.യു, സി.സി.യു, ഓപ്പറേഷൻ തീയറ്റർ, ഐസൊലേഷൻ വിഭാഗങ്ങളിലാണ് നിയമനം. എം.എസ്‌സി. നേഴ്‌സിംഗ്, 50 ബെഡ്കപ്പാസിറ്റിയുളള ആശുപത്രികളിൽ നിന്നും കുറഞ്ഞത് രണ്ട് വർഷത്തെ പ്രവൃത്തിപരിചയം, നേഴ്‌സിംഗ് കൗൺസിൽ രജിസ്‌ട്രേഷൻ, ഐ.ഇ.എൽ.റ്റി.എസ് പരീക്ഷയിൽ ഓവറോൾ സ്‌കോർ: 5.5 ആണ് യോഗ്യത.
വിശദമായ ബയോഡേറ്റ, വിദ്യാഭ്യാസവും പ്രവൃത്തിപരിചയവും തെളിയിക്കുന്ന രേഖകൾ, പാസ്‌പോർട്ടിന്റെ പകർപ്പ്, ഐ.ഇ.എൽ.റ്റി.എസ് സ്‌കോർ കാർഡ് എന്നിവ സഹിതം ഒക്ടോബർ ഏഴിനകം info@odepc.in എന്ന ഇമെയിലിൽ അപേക്ഷിക്കണം. കൂടുതൽ വിവരങ്ങൾക്ക് www.odepc.kerala.gov.in
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ