വിനോദ് നാരായണന്‍റെ പുതിയ ക്രൈം ത്രില്ലര്‍ 'വര്‍ത്തമാന പക്ഷികള്‍' റിലീസായി; എഐ സാങ്കേതികവിദ്യയുടെ വിസ്മയവുമായി ഹ്രസ്വചിത്രം
നോവലിസ്റ്റും തിരക്കഥാകൃത്തുമായ വിനോദ് നാരായണന്‍ രചനയും സംവിധാനവും നിര്‍വഹിച്ച പുതിയ ചിത്രം 'വര്‍ത്തമാന പക്ഷികള്‍' റിലീസായി. ഒരു ഫീച്ചര്‍ ഫിലിമിന്റെ എല്ലാ ചേരുവകളോടും കൂടി പുറത്തിറങ്ങിയിരിക്കുന്ന ഈ ചിത്രത്തിന് 20 മിനിറ്റാണ് ദൈര്‍ഘ്യം വരുന്നത്. പൂര്‍ണ്ണമായും എന്റര്‍ടൈന്‍മെന്റ് സ്വഭാവമുള്ള ചിത്രം ഒരു ക്രൈം ത്രില്ലര്‍ ജോണറിലാണ് ഒരുക്കിയിരിക്കുന്നത്.
 |
| വിനോദ് നാരായണന്‍ (സംവിധായകന്‍, തിരക്കഥാകൃത്ത്) |
പ്രമുഖ ടെലിവിഷന്‍ ആങ്കറായ നീരജയുടെ ജീവിതത്തിലൂടെയും അവളുടെ കഥയിലൂടെയുമാണ് ചിത്രത്തിന്റെ പ്ലോട്ട് പുരോഗമിക്കുന്നത്. മലയാള സിനിമയില്‍ പുതിയ പരീക്ഷണങ്ങള്‍ക്ക് വേദിയൊരുക്കുന്ന ചിത്രമാണിത്. ആര്‍ട്ടിഫിഷ്യല്‍ ഇന്റലിജന്‍സ് (AI) സാങ്കേതികവിദ്യയും ലൈവ് ക്യാപ്ചറിംഗും അതീവ വിദഗ്ദ്ധമായി സംയോജിപ്പിച്ചാണ് സംവിധായകന്‍ ഈ ദൃശ്യവിസ്മയം ഒരുക്കിയിരിക്കുന്നത്.
 |
| അനന്യ രാധാകൃഷ്ണന്‍ |
ബൂണ്‍സ് എന്റര്‍ടൈന്‍മെന്റ്‌സിന്റെ (Boons Entertainments) ബാനറില്‍ നിര്‍മ്മിച്ച ഈ ചിത്രം നിലവില്‍ അവരുടെ ഔദ്യോഗിക യൂട്യൂബ് ചാനലിലൂടെയാണ് സ്ട്രീമിംഗ് ചെയ്യുന്നത്. റിലീസ് ചെയ്തതുമുതല്‍ സിനിമാപ്രേമികളില്‍ നിന്നും നിരൂപകരിൽ നിന്നും മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. സാങ്കേതികമായി ഏറെ പുതുമകള്‍ അവകാശപ്പെടുന്ന ചിത്രം ചുരുങ്ങിയ സമയംകൊണ്ട് സിനിമാലോകത്തിന്റെ ശ്രദ്ധ പിടിച്ചുപറ്റിയിരിക്കുകയാണ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ